കാക്കാപ്പുള്ളി
OFWA ( Our Family Welfare Association - Valapad ) ഈ വര്ഷം നടത്തിയ സാഹിത്യ രചന മത്സരത്തിൽ ഞാനെഴുതിയ " കാക്കാപ്പുള്ളി " എന്ന ചെറു കഥക്ക് മൂന്നാം സമ്മാനം ലഭിക്കുകയുണ്ടായി. ഈ മാസത്തെ കുടുംബ സൗഹൃദം മാസിക വാർഷിക പതിപ്പായാണ് പ്രസിദ്ധീകരിക്കുന്നത്. 27/ 07/ 2019 നു നടക്കുന്ന വാർഷിക യോഗത്തിൽ വെച്ചായിരിക്കും പ്രസാധനം ചെയ്യുന്നത്. മാസിക ലഭിക്കാത്തവർക്കു വേണ്ടി ചെറുകഥ വാട്സ് ആപ്പിൽ പോസ്റ്റ് ചെയ്യുന്നു. സ്നേഹ പൂർവ്വം അബ്ദുൽ റഷീദ് - നമ്പിപുന്നിലത്ത്. rasheed.nampi@gmail.com കാക്കാപ്പുള്ളി ഏകദേശം പത്ത് പതിനഞ്ച് വർഷങ്ങൾക്കു ശേഷമാണ് ഞാൻ സാഹിത്താത്താനെ കാണുന്നത്. അവരിൽ വന്ന വലിയ മാറ്റം എന്നെ അത്ഭുതപ്പെടുത്തുകയും ചെയ്തു. ചൂരിദാറും കുർത്തയുമാണ് വേഷമെങ്കിലും ശരീരം വല്ലാതെ തടിച്ചു വീർത്തിരുന്നു. എന്നാലും ആ മുഖത്തെ പ്രൗഢിയും ആഢ്യത്തവും ഒട്ടും കുറഞ്ഞിരുന്നില്ല. മഫ്തതയിൽ അവർ കൂടുതൽ സുന്ദരിയായി കാണപ്പെട്ടു. വല്യമാമയുടെ മകൾ വിളിച്ചു കൂട്ടിയ നോമ്പ് തുറ സൽക്കാരത്തിൽ പങ്കെടുക്കാനെത്തിയതായിരുന്നു ഞാൻ. അബു ദാബി യിൽ നിന്നും അകലെ അൽ ഐൻ ലായിരുന്നു അവർ താമസിച്ചിരുന്നത്. വല്യ അമ്മായിയുടെ ഇളയ